എന്‍റെ കേരളം എത്ര സുന്ദരം എന്ന് മനസിലായത് പ്രിയ ഗായിക ഉഷ ഉതുപ്പ് പാടിയപ്പോഴാണോ ? ഹേയ് അല്ല അത് മനസിലാക്കാന്‍ എനിക്ക് ഒരു പ്രവാസി ആകേണ്ടി വന്നു എന്നതാണു സത്യം. ചിലപ്പോഴൊക്കെ അങ്ങിനെയാണ് മനസ് സ്വന്തം നാടിന്റെ ഗൃഹാതുരതയിലേക്ക് ഓടിപ്പോകും . ഇന്നു അങ്ങിനെയൊരു ദിവസമാണ് . ഈന്തപ്പനകളോട് കെറുവിച്ച് നാടിന്റെ പച്ചപ്പിലേക്ക് ഞാന്‍ പോകുന്നു . കഴിഞ്ഞ ഒഴിവുകാലത്തെടുത്ത ചിത്രങ്ങളിലൂടെയാണ് എന്‍റെ യാത്ര എന്ന് മാത്രം....ഇവിടെ UAE യില്‍ ഒഴിവുകാലം എന്ന് പറയുമ്പോള്‍ ജൂലായ് -ആഗസ്റ്റ്‌ മാസങ്ങള്‍ ആണ് . അപ്പോള്‍ നാട്ടിലാണെങ്കില്‍ മഴ തിമിര്‍ത്തു പെയ്യുകയാവും. ..
നിര്‍ത്താതെ പെയ്യുകയായിരുന്നു മഴ അന്ന് ....
ഞാന്‍ പിച്ചവച്ച തൊടികളിലൂടെ ഉത്സാഹത്തോടെ പൂമ്പാറ്റകളുടെ പിറകെ ഓടുന്ന മോളെ കാണുമ്പോള്‍ ഞാന്‍ ഓര്‍മ്മിക്കാറുള്ളത് എന്‍റെ കുട്ടിക്കാലം തന്നെയല്ലേ !!!
gadgetsinte ലോകത്ത് നിന്നും ഒരു ഇടവേളയാണ് കുട്ടികള്‍ക്ക് കേരളത്തിലേക്കുള്ള ഓരോ യാത്രയും ......അത് അങ്ങിനെതന്നെ ആവണമെന്നാണ് ഞങ്ങള്‍ കൊതിക്കുന്നതും ...
ഞങ്ങളുടെ അവധിക്കാലത്ത് മുടങ്ങാതെ വീട്ടില്‍ എത്തിയിരുന്ന മറ്റൊരു അതിഥി -ശ്രീ കൃഷ്ണപ്പരുന്ത്
ഞങ്ങളെ സ്വാഗതം ചെയ്യാന്‍ കാത്തുനിന്നത് പോലെ ....ഈ വാഴക്കുല !!!
സുപ്രഭാതം പറയാന്‍ ആമ്പല്‍പൂവ്‌ ...........
അമ്മൂമ്മ പറയാന്‍ ബാക്കി വച്ച കഥകള്‍ക്കായി അടുത്ത ഒഴിവുകാലം കാത്തിരിക്കുന്നു മക്കള്‍ ...
ദൂരെയല്ലാത്ത ക്ഷേത്രത്തില്‍ നിന്നും എന്നും ഒഴുകി എത്താറുള്ള സുബ്ബലക്ഷ്മിയുടെ സുപ്രഭാതം കേട്ടുണരാറുള്ള ഉന്മേഷമുള്ള പ്രഭാതങ്ങള്‍ക്കായ്...മഴയുടെ സംഗീതത്തില്‍ സ്വയം മറക്കാനായ്‌ ..പുഞ്ചിരിക്കുന്ന പൂക്കളോടും പ്രിയപ്പെട്ടവരോടും ഒരായിരം വിശേഷങ്ങള്‍ പങ്കുവയ്ക്കുവാനായ്‌ ഞാനും കാത്തിരിക്കുന്നു ഇനിയൊരു ഒഴിവുകാലത്തിനായ്‌ ...................
No comments:
Post a Comment